ՄԵՐ ՄԱՍԻՆ
Københagen - the Outstanding
Արդիական, ֆունկցիոնալ և մտերմիկ քաղաքային միջավայր
Københagen Outstanding-ը քաղաքային կահավորանքի դանիական ապրանքանիշ է: Մինիմալիզմը,
ֆունկցիոնալությունը, առավելագույնս բարձր որակը, մարդկության և շրջակա միջավայրի հանդեպ
հոգածությունը մեր դիզայներական փիլիսոփայության գաղափարական հիմքն են։
Մենք ոչ միայն արտադրում ենք բացօթյա տարածքների համար նախատեսված կահույք, այլ նաև ձգտում
ենք քաղաքային միջավայրը դարձնել առավել հարմարավետ ու ֆունկցիոնալ, հասանելի ու ներառական,
մշտապես կանաչ և պարզապես առավել հաճելի մարդկանց համար:
Մեր ոգեշնչման աղբյուրը մեր ժառանգությունն է…
Համադրելով արտաքին տեսքն ու գործառույթը՝ մենք կերտում ենք դանիական դիզայնը.
Københagen Outstanding-ի բացօթյա տարածքների կահավորանքը ոգեշնչված է Կոպենհագենից՝
քաղաք, որը տարիներ շարունակ համարվում է լավագույններից մեկը բնակության համար:
Այս քաղաքը ոգեշնչման անսպառ աղբյուր է հանրային տարածքի նախագծման համար. այն ցույց է
տալիս, թե ինչպես կարող է միջավայրը դառնալ առավել հարմարավետ, ներառական և ֆունկցիոնալ
բնակիչների համար: Եվ դա լիովին հիմնավորված է. չէ՞ որ Կոպենհագենը մեր ընկերության
հիմնադիրների հայրենի քաղաքն է:
.
Københagen Outstanding-ի քաղաքային կահավորանքի առանձնահատկությունները
Բարձրորակ և կայուն նյութեր
Երկարակյաց ու բարձրորակ արտադրանքի գրավականն ամենաբարձր որակի նյութերն են: Մեր ամբողջ
տեսականին պատրաստվում է երեք հիմնական նյութերից՝ խեժափիճու և կաղնու մշակված
փայտանյութերից, ինչպես նաև փոշեներկված պողպատից: Մեր արտադրանքի հումք հանդիսացող
փայտը միայն բարձրորակ է: Օգտագործվող բոլոր ներկերն ու ներծծվող նյութերը բնական են և անվնաս
շրջակա միջավայրի համար:
Դիմացկունություն և երկարակեցություն
Բարձրորակ նյութերի և արտադրության բարեխիղճ կազմակերպման շնորհիվ մենք ստեղծում ենք
այնպիսի արտադրանք, որը, վստահաբար, կարող է դիմակայել ժամանակի փորձությանը: Կահույքի
կոնստրուկցիան դիմացկուն է, ամուր, նախատեսված է երկարամյա օգտագործման համար և կարող է
դիմակայել եղանակային վատ պայմաններին: Առանձնահատուկ ուշադրություն է դարձվում դետալներին.
բոլոր կոնստրուկցիաները և միացվող տարրերը քողարկվում են՝ գեղագիտական բարձր
չափանիշներին համապատասխան:
Արտադրության ստանդարտներ
Մենք մշտապես զարգացնում և կատարելագործում ենք մեր արտադրության և կառավարման
համակարգերը՝ համապատասխանեցնելով որակի և կայունության նորմերին: Մեր գործարանը
հավաստագրված է ISO 9001:2015 և ISO 14001 ստանդարտներին համապատասխան: Մենք հոգում ենք
նաև արտադրական օղակում ավելորդ թափոնների կանխարգելման համար: Մենք ընտրում ենք միայն
ամենաբարձր որակի, դիմացկուն նյութեր և ստեղծում հարակայուն դիզայնով երկարակյաց արտադրանք,
որն անհրաժեշտ չի լինի փոխարինել ընդամենը մի քանի տարի անց: Københagen Outstanding-ը
համախմբում է այնպիսի մարդկանց, ովքեր հոգ են տանում շրջակա միջավայրի մասին և ջանում
նվազագույնի հասցնել ածխածնի էկոլոգիական հետևանքներն իրենց շրջապատում: